Ҳожиакбар Алижонов Нидерландия билан ўйинни ўтказиб юборади

Ўзбекистон миллий терма жамоаси ҳимоячиси Ҳожиакбар Алижонов машғулотлар пайтида оёғининг болдир мушак қисмида ноқулайлик ҳис қилган ва шу сабабли Нидерландия билан ўйинни ўтказиб юборади. Бу ҳақда Ўзбекистон футбол ассоциацияси (ЎФА) хабар берди.

Тиббий диагностик ва клиник текширув хулосаларга кўра, Алижоновнинг тикланиши учун 1 ҳафта муддат талаб этилади. Ҳозирда Ҳожиакбар тиббий штаб назорати остида индивидуал равишда тикланиш машғулотларини олиб бормоқда.

Маълумот учун, Ҳожиакбар Алижонов кеча, 2 май куни Канадага қарши бўлиб ўтган ўртоқлик учрашувида қайдномага киритилмаган эди, бироқ кейинчалик у терма жамоанинг Жаҳон чемпионати учун якуний 26 талик қайдномасидан жой олди.

Эслатиб ўтамиз, Ўзбекистон терма жамоаси Канадага қарши учрашувда 0:2 ҳисобида мағлубиятга учраган эди. Эндиликда “оқ бўрилар” жорий йилнинг 8 июнь куни Нидерландияга қарши ўртоқлик учрашувида майдонга тушади.