Ҳормуз бўғози тўлиқ очилди – Трамп (видео)

АҚШ Президенти Дональд Трамп Ҳормуз бўғозидаги вазиятдан мамнун эканини билдирди. Унинг айтишича, денгиз йўлаги ҳозирда “тўлиқ очиқ”. Унинг бу ҳақдаги сўзларини C-Span нашри келтирди.

“Ҳормуз бўғози бўйича ишларимиз жуда яхши кетмоқда. Кеча бўғоз орқали тарихдаги энг кўп нефть қабул қилдик... Бизда ҳақиқий нефть фаввораси бор. Бўғоз тўлиқ очиқ”, деган Америка раҳбари.

18 июнь куни АҚШ ва Эрон ўзаро англашув меморандумини имзолаган ва унинг доирасида Ҳормуз бўғози очилган эди. 20 июнь куни эса Эрон томони Исроилнинг Ливан жанубига берган зарбаларига жавоб сифатида денгиз йўлагини яна ёпган.

22 июнь куни АҚШ вице-президенти Жей Ди Венс бўғоз қайта очилганини маълум қилди. Унинг таъкидлашича, кемалар ҳаракатининг тикланиши нефть ва газ нархларига ҳам таъсир кўрсатган.

Эслатиб ўтамиз, аввалроқ АҚШ ва Эрон Швейцарияда ўтказилган музокараларда 60 кун ичида якуний тинчлик келишувига эришиш бўйича йўл харитасини келишиб олгани ҳақида хабар берилганди.