Ҳоланд иккинчи марта “Golden Player” мукофотини қўлга киритди

“Манчестер Сити” ҳужумчиси Эрлинг Ҳоланд овоз бериш натижаларига кўра, Италиянинг “Tuttosport” нашри томонидан ўтган мавсумнинг энг яхши футболчисига бериладиган “Golden Player” совринига сазовор бўлди. Бу ҳақда мукофот ташкилотчиси хабар берди.

2026 йилда норвегиялик футболчи 53 та учрашувда, жумладан, миллий терма жамоа сафида ҳам майдонга тушиб, 46 та гол урди ва 5 та голли узатмани амалга оширди.

Ҳоланд “Манчестер Сити” билан Англия Кубоги ва Лига Кубогида ғолиб чиқди. Шунингдек, 27 та гол билан Премьер-лиганинг энг яхши тўпурарига айланди. Футболчи 2026 йилги Жаҳон чемпионатида ҳам 5 та гол урди. Бу Ҳоланд учун мазкур совриндаги иккинчи ғалаба бўлди. У аввалроқ, 2023 йилда ҳам ушбу мукофотни қўлга киритган эди.

Шунингдек, Испания терма жамоаси ва “Барселона” клуби ҳимоячиси Пау 21 ёшгача бўлган энг яхши европалик футболчига бериладиган “Golden Boy” мукофотига сазовор бўлди. Бундан ташқари Каталония клуби президенти Лоан Лапорта йилнинг энг яхши футбол президенти деб топилди.

Маълумот учун, “Tuttosport” нашри 2025 йилги мавсумнинг энг яхши футболчисига бериладиган “Golden Player” мукофотини рамзий маънода Диогу Жотага топширган эди.