ЖССТ Яқин Шарқда коронавируснинг тўртинчи тўлқини бошланганини маълум қилди 

Олам 3075
image

Жаҳон соғлиқни сақлаш ташкилоти (ЖССТ) Яқин Шарқ ва Шимолий Африкада коронавируснинг тўртинчи тўлқини бошланганини қайд этди.  

“Янги ҳолатлар ва шифохонага ётқизилган беморларнинг аксарияти эмланмаган одамлар. Ҳозир минтақада COVID-19 нинг тўртинчи тўлқинида турибмиз”, деган Жаҳон соғлиқни сақлаш ташкилотининг Шарқий Ўрта ер денгизи бюроси раҳбари Аҳмад ал-Мандхари. 

Унинг сўзларига кўра, бу минтақада коронавируснинг “дельта” штаммига чалиниш ҳолатлари тез -тез аниқланмоқда. Ушбу турдаги ҳолатлар Марокашдан Покистонгача Яқин Шарқ ва Шимолий Африка минтақасидаги 15 мамлакатда қайд этилган. 

“Дельта” вариантининг тарқалиши Шарқий Ўрта ер денгизи минтақасидаги кўплаб мамлакатларда COVID-19 ҳолатлари ва ўлимининг ортишига ёрдам беради", дейилган бюро баёнотида. 

Қайд этилишича, сўнгги бир ой ичида касаллик 55 фоизга, ўлим даражаси эса 15 фоизга ошган. 

Аввалроқ, коронавирусга қарши эмланганларда Гийена-Барре синдроми пайдо бўлиши масаласи ҳақида хабар бергандик.  

Сўнгги маълумотларга кўра, дунёда коронавирусга чалинганлар сони 197 млн 381 минг 922 кишига етган. 4 млн 214 минг 877 киши касалликдан вафот этган.

Рушана Султонова
Мақолага баҳо беринг
Баҳолаганлар: 88
Рейтинг: 3.1
t
×