Жиззахда ЙТҲ: Nexia-2 ва бир йўловчи ёниб кетди

3-саҳифа 18 Апрель 12:32

6464

Жиззах вилоятининг Зафаробод туманида иккита енгил автомобиль тўқнашиши оқибатида ёнғин келиб чиқди ва оқибатда бир киши ҳалок бўлди. Бу ҳақда вилоят ФВБ Матбуот хизмати маълум қилди.

ЙТҲ кеча, 17 апрель куни 19:00 ларда 4П-190 автомобиль йўлининг Жиззах вилоятининг Зафаробод тумани ҳудудидан ўтувчи қисмида юз берган. Зафаробод-Пахтакор йўналишида ҳаракатланаётган Nexia-2 машинаси ҳайдовчиси бошқарувни йўқотиши ва қарама-қарши йўналишдаги Nexia-3 машинаси билан тўқнашуви натижасида машинада ёнғин келиб чиққан.

Ҳодиса жойига Зафаробод тумани ФВБдан ёнғин-қутқарув экипажи юборилган. Қутқарувчилар ёнғин жойига соат19:14 да етиб боришган, соат 19:19 да ёнғин батамом ўчирилган.

Йўл-транспорт ҳодисаси оқибатида бир нафар фуқаро вафот этган, яна уч нафар фуқаро турли тан жароҳатлари билан туман тиббиёт бирлашмасига ётқизилган.

Эслатиб ўтамиз, Сурхондарё вилоятининг Ангор туманида юз берган ЙТҲда иккита машина ёниб кетди. Фожиада 3 киши ҳалок бўлди.

Суннатилла Абдуллаев

Мақолага баҳо беринг

Баҳолаганлар: 235

Рейтинг: 3