ЖЧ-2034 қаерда ўтказилиши аниқ бўлди
Спорт
−
01 Ноябрь 2023 11117
Футбол бўйича 2034 йилги Жаҳон чемпионати Саудия Арабистонида ўтказилади. Бу ҳақда FIFA президенти Жанни Инфантино маълум қилди.
FIFA Осиё ва Океания мамлакатларига мусобақани қабул қилиш учун 31 октябрга қадар ариза юборишни таклиф қилган эди. Саудия Арабистони футбол ассоциацияси ушбу муддат тугагунга қадар мезбонлик қилиш учун ариза топширган ягона номзод бўлди.
Шунингдек, Япония ҳам даставвал мундиални ўтказишга қизиқиш билдирган, бироқ кейинроқ “Кунчиқар юрт” вакиллари 2050 йилгача бўлган дастурга мувофиқ, ЖЧ-2050 мезбонлигида ғалаба қозонишни режа қилган.
Маълумот учун, ЖЧ-2026 Америка қитъасининг 3 та мамлакати АҚШ, Мексика ва Канадада ўтказилса, ЖЧ-2030 га 6 та давлат Испания, Португалия, Марокаш, Уругвай, Аргентина ва Парагвай мезбонлик қилади.
Live
Барчаси
