Жамоам билан фахрланаман, футболчилар билан эмас – Хави

“Барселона” бош мураббийи Хави Эрнандес “Севилья”га қарши Испания Ла лигасининг 4-туридан ўрин олган қолдирилган учрашув (1:1) натижасидан норози эканини маълум қилди.

“Бугун  “Севилья”га қарши ўйинда икки очко йўқотдик. Биз ғалаба қозонишга ҳақли эдик ва жуда яхши ўйнадик. Жамоа кўп жиҳатдан ўсиб бормоқда ва яхшиланмоқда. Бироқ, дуранг натижага қарамай жамоам билан фахрланаман, бироқ футболчилар билан эмас. Омад биздан юз ўгирди. Гавининг бош билан берган зарбасини мисол қилиш мумкин. Стратегик жиҳатдан “Севилья” биздан олдинда. Яхшилашимиз керак бўлган нарсалар кўп. Биз ўйнаймиз ва ривожланишда давом этамиз. Уч очко олишимиз керак эди. Биз буни янги йилда амалга оширишга ҳаракат қиламиз”, дейди Хави “Marca” нашрига берган интервьюсида.

Эслатиб ўтамиз, Хави учрашувдан аввал жамоада катта ўсиш борлигини, аммо бу ўйинда ғалаба қозониш жуда қийин бўлишини айтиб ўтган эди. Шунингдек, “Севилья”нинг бошқарув услубини юқори баҳолаган.

Маълумот учун, Каталония клуби янги футболчиларни сотиб олиш ва молиявий барқарорликни сақлаб қолиш учун 5 нафар футболчини сотиб юбориши мумкин.