Zelenskiy yana Oq uyda. U Trampga xotinining maktubini topshirdi (video)

AQSH Prezidenti Donald Tramp bugun, 18 avgust kuni ikki tomonlama uchrashuv oldidan Oq uyda Ukraina Prezidenti Vladimir Zelenskiyni kutib oldi. Jarayon jonli efirda uzatilmoqda.

Ukraina Prezidenti Vladimir Zelenskiy Oq uyga odatdagi harbiy kiyimidan ko‘ra ko‘proq rasmiyroq libosda bordi, biroq to‘liq kostyum va galstuk taqmadi.

Yevropa rasmiysi CNN telekanaliga Zelenskiyning kiyim tanlashi bugun Oq uyda bo‘lib o‘tadigan muzokaralar oldidan AQSH va Ukraina rasmiylari o‘rtasidagi suhbat mavzusi bo‘lganini aytdi. Rasmiyning aytishicha, Tramp ma’muriyati Zelenskiyga odatdagi harbiy kiyimida kelmaslikni taklif qilgan.

Zelenskiyning libosi fevral oyida Tramp bilan Oval kabinetdagi halokatli uchrashuvida chaqmoqqa aylangandi. Ukraina rahbarini Oq uyda kutib olganida, Tramp kinoya bilan: “Bugun hammasi kiyingan”, degandi.

O‘sha uchrashuvda Tramp tarafdori bo‘lgan jurnalist Zelenskiydan: “Nega kostyum kiymaysiz?”, deb so‘ragandi. Zelenskiy jurnalistga Rossiyaning 2022 yilda keng ko‘lamli bosqinidan keyin aytganlarini takrorlagandi: U Ukrainada tinchlik o‘rnatilmaguncha harbiy libosini kiyib yuradi.

To‘liq kostyum va odatdagi kiyimi o‘rtasida o‘rta yo‘lni bosib o‘tgan Zelenskiy bugun, 18 avgust kuni Oq uyga qora ko‘ylak va qora kurtka kiyib keldi.

U aprel oyida Vatikanda Rim papasi Fransiskning dafn marosimida va iyun oyida Niderlandiyada bo‘lib o‘tgan NATO sammitida kiygan kiyimi xuddi shunday, yanada rasmiyroq edi.

Prezident Donald Tramp Ukraina Prezidenti Vladimir Zelenskiyni G‘arbiy qanotda kutib olayotganda, muxbir ukrainaliklarga nima deyishini so‘radi.

“Biz ularni yaxshi ko‘ramiz”, dedi Tramp mehmoni bilan binoga kirishdan oldin.

Prezident Donald Tramp Ukraina Prezidenti Vladimir Zelenskiy bilan uchrashuvini boshlaganida Ukrainadagi urushni tugatish borasidagi sa’y-harakatlarida “katta taraqqiyot” kuzatilayotganini aytdi.

“Biz juda ko‘p yaxshi munozaralar va ko‘plab yaxshi muzokaralar o‘tkazdik va menimcha, ko‘p jihatdan juda muhim yutuqlarga erishilmoqda. Sizga ma’lumki, biz biroz oldin Rossiya Prezidenti bilan yaxshi uchrashuv o‘tkazgan edik. Menimcha, bundan nimadir chiqishi ehtimoli bor”, dedi Tramp Oval kabinetda.

Oval kabinetda Donald Trampning yoniga o‘tirgan Ukraina Prezidenti Vladimir Zelenskiy AQSH Prezidentiga Rossiyaning Ukrainadagi urushini to‘xtatish bo‘yicha “shaxsiy harakatlari” uchun minnatdorlik bildirdi.

Zelenskiy Donald Trampga Ukraina birinchi xonimining Melaniya Trampga maktubini topshirdi.

“Mening xotinim, Ukrainaning birinchi xonimi, bu xatni berdi. Bu sizga emas, balki sizning turmush o‘rtog‘iningizga”, dedi u kulib.