Юлдузлар жамоаси учун номзодлар рўйхати эълон қилинди

Халқаро профессионал футболчилар ассоциациялари федерацияси (FIFPRO) 2025 йилги World 11 юлдузлар жамоасига 26 нафар номзоднинг рўйхатини эълон қилди.

26 кишидан иборат рўйхатда аргентиналик Лионель Месси, португалиялик Криштиану Роналду, “Олтин тўп” соҳиби Усмон Дембеле ҳамда “Барселона”нинг ёш иқтидор соҳиби Ламин Ямаль ҳам номзодлар қаторидан жой олган. Якуний 11 футболчини аниқлаш учун 68 мамлакатдан 26 000 дан ортиқ профессионал футболчи йилнинг энг яхши эркаклар ва аёллар терма жамоаси учун овоз беради.

2025 йилги рўйхатга киритилган ўйинчилар 2024 йил 15 июлдан 2025 йил 3 августгача бўлган даврда камида 30 та профессионал ўйинда иштирок этган бўлиши керак. FIFPRO тарихида Месси 17, Роналду эса 15 маротаба World 11 жамоасига киритилган.

Энг кўп овоз олган бир дарвозабон, уч ҳимоячи, уч ярим ҳимоячи ва уч ҳужумчи жорий йилнинг 3 ноябрь куни эълон қилинадиган якуний World 11 жамоасига киритилади.

Тўлиқ номзодлар рўйхати:

• Дарвозабонлар:

1. Алиссон Беккер (“Ливерпуль”, Бразилия);
2. Тибо Куртуа (“Реал Мадрид”, Бельгия);
3. Жанлуижи Доннарумма (ПСЖ – “Манчестер Сити”, Италия);

• Ҳимоячилар:

1. Трент Александр-Арнольд (“Ливерпуль” / “Реал Мадрид”, Англия);
2. Пау Кубарси (“Барселона”, Испания);
3. Виржил ван Дейк (“Ливерпуль”, Нидерландия);
4. Ашраф Ҳакимӣ (ПСЖ, Марокаш);
5. Маркиньос (ПСЖ, Бразилия);
6. Нуну Мендеш (ПСЖ, Португалия);
7. Уильям Салиба (“Арсенал”, Франция);

• Ярим ҳимоячилар:

1. Жуд Беллингем (“Реал Мадрид”, Англия);
2. Кевин Де Брюйне (“Манчестер Сити” / “Наполи”, Бельгия);
3. Лука Модрич (“Реал Мадрид” / “Милан”, Хорватия);
4. Жоау Невеш (ПСЖ, Португалия);
5. Коул Палмер (“Челси”, Англия);
6. Педри (“Барселона”, Испания);
7. Федерико Вальверде (“Реал Мадрид”, Уругвай);
8. Витинья (ПСЖ, Португалия);

• Ҳужумчилар:

1. Усмон Дембеле (ПСЖ, Франция);
2. Эрлинг Ҳоланд (“Манчестер Сити”, Норвегия);
3. Килиан Мбаппе (“Реал Мадрид”, Франция);
4. Лионель Месси (“Интер Майами”, Аргентина);
5. Рафинья (“Барселона”, Бразилия);
6. Криштиану Роналду (“Ал-Наср”, Португалия);
7. Муҳаммад Салоҳ (“Ливерпуль”, Миср);
8. Ламин Ямал (“Барселона”, Испания).