Йилнинг энг яхши 100  футболчиси эълон қилинди   

Буюк Британиянинг “The Guardian” газетаси 2025 йилнинг энг яхши 100 футболчиси рўйхатини эълон қилди. Унда энг юқори поғонани “Олтин тўп” ва FIFA'нинг “The Best” мукофотларини қўлга киритган Усмон Дембеле эгаллади.

Маълумотларга кўра, рейтинг собиқ футболчилар, мураббийлар ва журналистлардан иборат ҳакамлар ҳайъати овозлари асосида тузилган. Дембеледан кейинги иккинчи ўринда “Барселона” футболчиси Ламин Ямаль ўрин эгаллаган, кучли учликни эса Витинья якунламоқда. Ундан кейинги ўринларда Килиан Мбаппе, Ҳаррй Кейн, Эрлинг Ҳоланд, Ашраф Ҳакими, Рафинья, Муҳаммад Салоҳ ва Педри бормоқда. Аргентина терма жамоаси сардори Лионель Месси ушбу рейтингда 34-ўринни, португалиялик футбол юлдузи Криштиану Роналду эса 51-ўринни эгаллаган.

Маълумот учун, Усмон Дембеле ўтган мавсумда ПСЖ сафида Франция чемпионлиги, Чемпионлар лигаси ва UEFA  Суперкубогини қўлга киритган.

Эслатиб ўтамиз, аввалроқ Усмон Дембеле ПСЖ сафида Бразилиянинг “Фламенго” клубини пенальтилар сериясида мағлуб этиб, Қитъалараро кубокни ҳам қўлга киритган эди.