Евроосиё банки Ўзбекистондаги фаолиятини тугатди

Ўзбекистон Марказий банки Бошқарувининг 2025 йил 27 августдаги 22/1-сонли қарорига мувофиқ, “Евроосиё Банки” акциядорлик жамиятидан банк фаолиятини амалга ошириш ҳуқуқини берувчи лицензия чақириб олинди. Бу ҳақда Марказий банк маълум қилди.

Билдирилишича, банк томонидан устав капитали миқдори қонунчиликда белгиланган энг кам талабларга мувофиқлаштирилмагани ҳамда банклар ва банк фаолияти тўғрисидаги қонунчиликда белгиланган бошқа талаблар бажарилмагани сабабли ушбу қарор қабул қилинган.

“Ўзбекистон Республикасининг Марказий банки тўғрисида”ги, “Банклар ва банк фаолияти тўғрисида”ги қонунлар ва бошқа қонунчилик ҳужжатларига асосан, банкни мажбурий тугатиш ҳамда тугатиш комиссиясини тайинлаш тўғрисида қарор қабул қилинди”, дейилади хабарда.

Евроосиё банкининг ўзи ҳам ҳолатга изоҳ берди. Билдирилишича, банкнинг Ўзбекистондаги фаолиятини тугатгани Қозоғистонда бизнесни ривожлантириш бўйича илгари қабул қилинган стратегик қарорнинг мантиқий якунига айланган.

Ўзбекистон банкига инвестицияларни тугатиш Бошқаруви ва режисселлар кенгаши томонидан тартибга солинувчи томонидан расмий хабар беришдан анча олдин тасдиқланди.

“Бошқарув ва директорлар кенгаши Ўзбекистондаги банкка инвестицияларни тўхтатишни регулятор томонидан расмий огоҳлантириш берилишидан анча олдинроқ маъқулланган эди.

Асосий эътиборни Қозоғистон бозорига қаратиш банкка янги лойиҳаларни амалга ошириш ҳамда мижозлар ва ҳамкорлар учун энг салоҳиятли сегментлардаги позицияларни мустаҳкамлаш имконини беради”, дейилади Евроосиё банкининг муносабатида.

Маълумот учун, Евросиё банкига 1994 йилда Қозоғистонда асос солинган. Унинг бош офиси Олмаота шаҳрида жойлашган. Банк 2024 йил январь ойида Ўзбекистонда лицензия олган. 2025 йил 1 август ҳолатига, банкнинг депозит ва кредит портфели нолга тенг, капитали эса 104 млрд сўмни ташкил этган, бу талаб этиладиган минимал миқдордан 5 баробарга кам. Банк 2025 йилнинг биринчи ярмини 51,6 млрд сўм зарар билан якунлаган.