Янги ўқув йилида кириш тестлари қайси дарсликлардан тузилиши айтилди
Жамият
−
03 Ноябрь 2023 8142
Ўзбекистонда 2024-2025 ўқув йили учун олий таълим муассасаларига кириш имтиҳонларида тушадиган тест саволлари қайси дарсликлардан тузилиши аниқ бўлди. Тавсия этилган дарсликлар ва ўқув адабиётлари рўйхати Билимни баҳолаш агентлигининг расмий веб-сайтида эълон қилинди.
Унга кўра, мазкур дарсликлар рўйхати Ўзбекистон ва Қорақалпоғистон Мактабгача ва мактаб таълими вазирликлари томонидан тавсия этилган ўқув адабиётлар асосида шакллантирилган.
Улар 2023-2024 ўқув йилида умумтаълим мактаблари ҳамда академик лицейларни битирувчи ўқувчилар ва бошқа абитуриентларнинг ОТМларга кириш тест синовларига тайёргарлик кўришлари учун тавсия сифатида тақдим этилган.
Тўлиқ рўйхат билан ушбу ҳавола (https://uzbmb.uz/info/textbooks) орқали танишиш мумкин.
Live
Барчаси
