Яна бир олтин! Акбар Жўраев жаҳон рекордини ўрнатди

Ўзбекистон спортчилар делегацияси вакили оғир атлетикачи Акбар Жўраев Аичи-Нагоя-2026 Осиё ўйинларида даст кўтариш машқида жаҳон рекордини ўрнатди ва мусобақанинг олтин медалини қўлга киритди. 

Бугун, 29 сентябрь куни Япониянинг Аичи-Нагоя шаҳарларида ўтказилаётган ХХ Осиё ўйинларининг 10-кун дастурлари ўтказилмоқда. Унда оғир атлетиканинг даст кўтариш йўналишида иштирок этаётган ўзбекистонлик вакил Акбар Жўраев 197 килограмм оғирликдаги штангани кўтариб, мутлақ жаҳон рекордини қайд этди.

Шундан сўнг Жўраев силтаб кўтариш машқида баҳс олиб борди. Оғир атлетикачи бу йўналишда ҳам 226 килограммлик натижа билан Осиё рекордини ҳам янгилади ва Аичи-Нагоя-2026 Осиё ўйинларида олтин медални нақд қилди.

110  килограммгача бўлган вазн тоифасида иштирок этган спортчи икки машқ якунига кўра 423 килограмм натижа билан мутлақ ғолибликни қўлга киритди.

Шу тариқа Ўзбекистон вакиллари Осиё ўйинларидаги 13-олтин медалга эгаликни расмийлаштирди.

Эслатиб ўтамиз, кеча, 28 сентябрь куни Япониянинг Аичи-Нагоя шаҳарларида давом этаётган Осиё ўйинларининг кураш баҳсларида ўзбекистонлик курашчилар иккита та олтин ва битта бронза медални қўлга киритганди.