Яна бир нашр Трампни “Йил одами” деб эълон қилди

Буюк Британиянинг “Financial Times” газетаси томонидан АҚШнинг сайланган президенти Дональд Трамп “Йил одами” деб топилди. Бу ҳақда газетанинг ўзи хабар берди.

FT Трампнинг президентликка қайта сайланишини “АҚШ тарихидаги энг катта драматик қайтиш” деб атаган.

Газета аввалроқ  2016 йилги президентлик сайловларида ғалаба қозониб, халқ овозида Ҳиллари Клинтонни ортда қолдирган Трампни “Йил одами” сифатида танлаган эди. Йиллар давомида Махатма Ганди, Адольф Гитлер, Иосиф Сталин, Уинстон Черчилл, Мартин Лютер Кинг, чақалоқ боомерс, Аполлон 8 астронавтлари, шахсий компьютер, Михаил Горбачев, Билл Клинтон, Жефф Безос, шунингдек, Россия Президенти Владимир Путин ҳам “Йил одами” бўлган.

“Трамп ҳокимиятга қайтишининг ажойиб табиати туфайли бу йил яна FT томонидан танланди. Энди Трампни рад этишнинг иложи йўқ”, дейилади нашр хабарида.

Нашрга кўра, ҳозирги америкалик амалдорлар орасида Трамп келганидан кейин у ўзининг сиёсий рақибларидан “қасос олишни” бошлайди, деган хавотир бор, бироқ унинг сайловолди кампанияси раҳбари Сьюзан Уайлснинг сўзларига кўра, Трамп мамлакат иқтисодиётини янада кучайтиришга эътибор қаратмоқчи.

“Financial Times” – Британиянинг халқаро кундалик бизнес газетаси. Дунёнинг 24 та шаҳрида инглиз тилида умумий тиражи қарийб 356 минг нусхада чоп этилган. Молия ва бизнес оламидан янгиликларни нашр этиш ва таҳлил қилишга ихтисослашган. Газетанинг бош офиси Лондонда жойлашган бўлиб, Япониянинг Nikkei холдинг компаниясига тегишли бўлиб, асосий таҳририятлари Буюк Британия, АҚШ ва Европада жойлашган.

Эслатиб ўтамиз, аввалроқ Американинг “Time” журнали АҚШнинг сайланган президенти Дональд Трампни “Йил одами” деб топганди.