Яна бир мамлакатда коронавируснинг Жанубий Африка штамми аниқланди

Олам 16 Март 10:08

3335

Россияда коронавируснинг Жанубий Африка штамми аниқланди. Бу ҳақда
Роспотребнадзор хабар берган.

Хабар қилинишича, Россия Федерациясида SARS-CoV-2 изолатлари мониторинги доирасида эпидемиологик вазиятни ҳисобга олган ҳолда текширувдан ўтказиладиган шахслардан 8,1 мингдан ортиқ клиник материал намуналари тўпланган.

Роспотребнадзорнинг аниқлик киритишича, мамлакатда 28 ҳолатда коронавируснинг "британча" штамми, 2 ҳолатда Жанубий Африка штамми аниқланган.

Қайд этилишича, коронавируснинг "бразилча" штамми аниқланмаган.

"16 та ҳолатда бошқа мутациялар аниқланди", дейилган хабарда.

Таъкидланишича, мониторинг давом этмоқда, вазият кафедра назорати остида.

Рушана Султонова

Мақолага баҳо беринг

Баҳолаганлар: 160

Рейтинг: 3