Возинья Касильясни ҳам ортда қолдирди

Кабо-Верде миллий терма жамоаси дарвозабони Возинья Instagram’да ўз позициясида энг кўп обуначига эга футболчига айланди. Бу борада у ҳатто жаҳон афсонаси Икер Касильясни ҳам ортда қолдирди.

Жаҳон чемпионати 1/16 финалида Аргентинага қарши ўйиндан сўнг (қўшимча бўлимларда 2:3) Вóзиньянинг саҳифасидаги обуначилар сони 21,5 миллионга етди. У аввал 2026 йилги Жаҳон чемпионатида энг кўп обуначига эга дарвозабонга айланиб, бельгиялик Тибо Куртуани (18 миллион) ортда қолдирди. Кейин эса Жаҳон чемпионати ғолиби Икер Касильясни (20,4 миллион) ҳам ортда қолдириб, фаолиятини якунлаган дарвозабонлар билан умумий рўйхатда биринчи ўринга чиқди.

Турнирдан аввал Африка терма жамоаси футболчисининг аккаунтида тахминан 50 минг обуначи бор эди. Унинг аудиторияси гуруҳ босқичида Испанияга қарши илк ўйиндан (0:0) кейин кескин ўсишни бошлади. Ўша учрашувдан сўнг Возинья 10 миллиондан ортиқ обуначига эга бўлди.

Маълумот учун, Возинья 40 ёшда. У Португалиянинг иккинчи дивизионида иштирок этувчи “Шавеш” клубида тўп суради. 

“Transfermarkt” портали маълумотига кўра, унинг трансфер қиймати 50 минг еврога баҳоланган. Дарвозабон фаолияти давомида Португалиянинг “Жил Висенте”, Молдованинг “Зимбру”, Кипрнинг “АЕЛ Лимасол” ва Словакиянинг “Тренчин” жамоаларида ҳам ўйнаган.

Эслатиб ўтамиз, аввалроқ Кабо-Верде терма жамоаси Аргентинага мағлуб бўлиб, Жаҳон чемпионатини тарк этгани ҳақида хабар берилган эди. Бу Кабо-Верде терма жамоасининг Жаҳон чемпионатидаги илк иштироки эди.