Видео: “Ўзэкспомарказ” коронавирус беморлари учун стационарга айлантириляпти
Ўзбекистон
−
19 Июль 2020 12074 1 дақиқа
Тошкент шаҳри Юнусобод туманидаги “Ўзэкспомарказ” павильонларида коронавирус инфекциясини юқтириб олиб, касалликка чалинган беморларни жойлаштириш учун койка-ўринлар тайёрланмоқда.
Ижтимоий тармоқларда тарқалган видео ва фотосуратларда павильонларга бир-биридан пардеворлар билан ажратилган ётоқлар жойлаштириб чиқилаётганини кўриш мумкин.
Маълумот учун, 18 июль 23:30 ҳолатига Тошкент шаҳрида 9 804 кишида коронавирус қайд этилган. Уларнинг 4 784 нафари соғайган ва 46 нафари вафот этган. Соғайиш кўрсаткичи 49 фоизга тенг.
Аввалроқ, Тошкентдаги барча давлат тиббиёт муассасалари хатловдан ўтказилгани ва 2 358 та койка захираси шакллантирилгани маълум қилинганди.
Live
Барчаси“Demokrat.uz” раҳбари қамалди
12 Ноябрь
