Венесуэланинг Ўзбекистондаги элчиси тайинланди
Жамият
−
09 Декабрь 2024 1396
Бугун, 9 декабрь куни Розальба Ло Буе Антико Венесуэланинг Ўзбекистондаги элчиси этиб тайинланди. Бу ҳақда Ташқи ишлар вазири Бахтиёр Саидов хабар берди.
Қайд этилишича, Бахтиёр Саидов Ташқи ишлар вазирлигида Венесуэланинг Ўзбекистондаги элчиси Розальба Ло Буе Антико билан учрашган ва ишонч ёрлиғини қабул қилган.
“Географик жойлашув жиҳатдан узоқ масофага қарамай мамлакатларимизни бир-бирига яқинлаштириш учун алоқаларни боғлашга қаратилган кўприклар барпо этишга келишиб олдик. Янги қўшма лойиҳалар ишлаб чиқиш ва амалга ошириш, парламентлараро ҳамкорликка кўмаклашиш, билим алмашинувини қўллаб-қувватлаш ва бошқа масалалар юзасидан батафсил фикр алмашдик. Элчи хоним, Ўзбекистонга хуш келибсиз!”, дейди вазир.
Эслатиб ўтамиз, аввалроқ Иван Орлич Босния ва Герсеговинанинг Ўзбекистондаги илк элчиси этиб тайинланганди.
Live
Барчаси
