Венесуэла ўзида коронавирусни 100 фоиз йўқ қиладиган препарат борлигини даъво қилди
Олам
−
26 Октябрь 2020 6292
Венесуэла олимлари коронавирус инфекциясига қарши курашадиган препарат ишлаб чиқди. Ушбу баёнот билан мамлакат Президенти Николас Мадуро чиқди.
"Тадқиқот олти ой давом этди ва натижалар соғлом молекулаларга токсик таъсир кўрсатмасдан COVID-19 вирусини 100 фоиз йўқ қилишни кўрсатмоқда", деди у Twitter’даги ўз саҳифасида.
Президентнинг сўзларига кўра, яқин кунларда мамлакат Жаҳон соғлиқни сақлаш ташкилотига (ЖССТ) Венесуэла илмий тадқиқотлар институти томонидан олиб борилган ишлар натижаларини топширади.
"ЖССТ томонидан тасдиқланганидан сўнг, биз ушбу молекулани оммавий ишлаб чиқариш бўйича халқаро иттифоқчиларни қидиришни бошлаймиз", дея қўшимча қилди у.
Мадуронинг версиясига кўра, "коронавирусни йўқ қиладиган дори" "гепатит С, одам папилломавируси ва Эболани даволаш учун ишлатиладиган DR10 молекуласи"га асосланган.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
