Вальверде ҳали “Реал”дан кетиш ниятида эмас

“Реал” ярим ҳимоячиси Федерико Вальверде фаолиятини Англияда давом эттириш ниятида эмас. Бу ҳақда футболчи “Mundo Deportivo”га берган интервьюсида айтиб ўтди.

“Менда “Реал”да ўйнаш имконияти бор. Умид қолмаган тақдирда бошқа ечим излайман ёки “Реал” мен учун чора топади”, дейди Вальверде.

25 ёшли Федерико Вальверде 2016 йилдан бери “Реал”да ўйнаб келмоқда. Мадрид клуби таркибида уругвайлик ярим ҳимоячи икки марта Испания чемпиони бўлди, мамлакат кубоги ва Европа Чемпионлар лигасида ғолиб чиқди. Федерико “Реал Мадрид” билан жами 9 та соврин ютди.

17 сентябрь куни “Реал” Испания чемпионатининг 5-турида ўз майдонида “Реал Сосьедад”ни мағлуб этди. “Сантьяго Бернабеу”даги учрашув 2:1 ҳисобида якунланди. Испания ички чемпионатининг беш туридан сўнг, “Реал” 15 очко билан биринчи ўринни эгаллаб турибди. “Қаймоқранглилар” бу мавсумда Ла Лигада ҳали очко йўқотмаган ягона жамоа.