Ваъдага вафо: Илон Маск Tesla акцияларининг бир қисмини сотди 

Олам 7452
image
-

Америкалик тадбиркор Илон Маск Twitter’да Tesla акцияларини сотиш бўйича ўтказилган сўровномадан бир неча кун ўтиб уларни сотган. Бу ҳақда “Bloomberg” хабар берган.  

Маълумотларга кўра, Маск 2,5 млн опционларни 6,24 доллар нархдан сотган. 

Қайд этилишича, тадбиркор 2016 йилдан бери биринчи марта қимматли қоғозларни сотган. Ўшанда у 590 миллион доллар даромад солиғини тўлаш учун акцияларини сотганди. 

Жорий йилнинг 6 ноябрь куни Маск Twitter фойдаланувчиларидан Tesla акцияларининг 10 фоизини сотиш ёки сотмаслик тўғрисида қарор қабул қилишни сўради ва сўров натижаларига амал қилишини айтди. Натижада 3,5 миллиондан ортиқ иштирокчиларнинг 57,9 фоизи қимматли қоғозларни сотиш имкониятини қўллаб-қувватлади. 

“Forbes” миллиардерлар рейтингига кўра, 1 ноябрь куни Илон Маск тарихда бойлиги 300 миллиард доллардан ошган биринчи шахс бўлди.

Рушана Султонова
Мақолага баҳо беринг
Баҳолаганлар: 449
Рейтинг: 3
t
×