Ўзбекистонликларнинг шахсий маълумотларини мамлакатда сақлаш мажбурий бўлади

Жамият

−

26 Январь 2021 visibility3609

Ўзбекистоннинг “Шахсий маълумотлар тўғрисида”ги қонунига ўзгартиришлар киритилди. Қонун веб-сайт эгаларига Ўзбекистон фуқароларининг шахсий маълумотларини Ўзбекистон ҳудудида сақлаш мажбуриятини юкловчи 27-1-модда билан тўлдирилди.

Ўзгартиришларга кўра:

• Ўзбекистон фуқароларининг шахсий маълумотлари жисмоний жиҳатдан Ўзбекистон ҳудудида жойлашган ва Давлат реестрида рўйхатдан ўтган техник воситалар ёрдамида қайта ишланиши керак;

• маълумотларни локализация қилиш талаби ахборот технологиялари, шу жумладан Интернет орқали маълумотларни қайта ишлашга тааллуқли;

• маълумотларни локализация қилиш, йиғиш, тизимлаштириш ва сақлаш талаби мулкдорда ёки операторнинг зиммасида ҳисобланади.

Ўзгартиришлар уч ой ичида — апрель ўрталаридан бошлаб кучга киради.

Мақола муаллифи