Ўзбекистонлик мухлислар 6 соатдан бери БАА аэропортидан чиқарилмаяпти

Тошкент–Шаржа рейси билан Жаҳон чемпионати саралаши доирасидаги Ўзбекистон–Бирлашган Араб Амирликлари ўртасидаги ўйинни томоша қилиш учун БААга кетган 100 дан ошиқ ўзбекистонликлар Шаржа аэропортида ушлаб турилибди. Бу ҳақда мухлислар орасидаги журналист Шоҳруҳ Ҳайдаров маълум қилди.

Унинг айтишича, дастлаб, аёллар ва ёши катта инсонларни ўтказишган. Қолган эркак ва йигитлардан биринчи марта келаётгани учун анкета тўлдириш, меҳмонхона банд қилгани ҳақида ҳужжат ва қайтиш билетлари нусхаси сўралган.

Барчанинг ҳужжатлари олиб борилганда, аэропорт ходимлари улардан нусха кўчириб, шу билан барча ҳужжатларни олиб кириб кетишган ва қайтиб чиқишмаган. 

Эслатиб ўтамиз, олдинроқ Тошкент шаҳар туризм бошқармаси шаҳарда туризм соҳасида фаолият юритаётган тадбиркорлик субъектларига шу кунларда турпакетлар орқали туристларни БААга юбормаслик чораларини кўришни тавсия қилганди. Бунга сабаб эса БАА–Ўзбекистон ўйини бўлиб ўтадиган нинг “Ол-Наҳаён” стадиони 12 минг томошабин сиғимига эга экани, Осиё футбол конфедерацияси қоидаларига кўра мезбон томондан меҳмон томоннинг томошабинлари учун сиғимнинг 8 %ини (960 нафар) ажратиш мажбуриятини олгани кўрсатилди. Ўзбекистондан эса 960 эмас, 5 минг мухлис ўйинни кўриш учун БААга бораётгани айтилди.