Ўзбекистонлик қиличбозлар Осиё ўйинларида кумуш медални нақд қилди

Sport

−

29 September 2023 visibility5703 timer1 minute

Хитойнинг Ханчжоу шаҳрида бўлиб ўтаётган Осиё ўйинларида қиличбозликнинг сабля йўналиши бўйича Ўзбекистон аёллар терма жамоаси финал йўлланмасини қўлга киритди.

Аввал чорак финалда Зайнаб Дайибекова, Гулистон Пердибаева ҳамда Паола Плиегодан иборат жамоа Сингапурни 45:32 ҳисобида мағлуб этган бўлса, ярим финалда Хитой устидан ҳам ғалабага эришди. Зайнаб Дайибекованинг охирги дақиқалардаги ҳаракати Ўзбекистонга ғалабани олиб келди.

Маълумот учун, қиличбозлик бўйича аёллар терма жамоаси финалда Японияга қарши баҳс олиб боради.

Author