Ўзбекистонлик 4-жангчи UFC’да октагонга чиқади

Спорт 9261
image

UFC’нинг енгил вазн тоифасида иштирок этувчи ўзбекистонлик Саидёқуб Қаҳрамонов жорий йилнинг 22 август куни тонгда АҚШнинг Лас-Вегас шаҳрида бўлиб ўтадиган “UFC on ESPN 29” мусобақасининг асосий кардида жанг қилади. У гуамлик Тревин Жонсга (13-6) қарши баҳс олиб боради.

Қаҳрамонов (8-2) бир неча кун аввал UFC промоушени билан 4 та жанг учун шартнома имзолаган эди. 

Аслида Тревин Жонс Мана Мартинесга қарши жанг қилиши кўзда тутилганди. Лекин ушбу жанг бекор қилинган ва ўзбекистонлик 26 ёшли ММА устаси унга рақиб сифатида танланган.

Шу тариқа, UFC’да жанг қиладиган ўзбекистонлик спортчилар сони тўрт нафарга етди. Қаҳрамоновга қадар, Маҳмуд Муродов, Заррух Адашев ва Лилия Шакирова ушбу промоушенда октагонга кўтарилган.

Маълумот учун, жорий йилнинг 29 август куни UFC ўрта вазн тоифасида иштирок этувчи Маҳмуд Муродов “UFC on ESPN 30” турнири доирасида америкалик Жералд Мёршартга қарши октагонга чиқади.

Ҳумоюн Орипов
Мақолага баҳо беринг
Баҳолаганлар: 467
Рейтинг: 3
t
×