O‘zbekistonda jazoni o‘tash shartlari o‘zgardi

Avvalroq, O‘zbekiston Prezidenti Shavkat Mirziyoyev “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonunni imzolagani haqida xabar bergan edik.

Mazkur qonun bilan O‘zbekiston Respublikasining Jinoyat-ijroiya kodeksiga ayrim o‘zgartirishlar kiritildi.

Jumladan, 117-moddaning (Umumiy tartibli koloniyalarda jazoni o‘tash shartlari) uchinchi qismi quyidagi tahrirda bayon etildi:

“Mahkumlar yil mobaynida:

•    olti marta qisqa muddatli va olti marta uzoq muddatli uchrashuv;

•    o‘n ikki marta telefon orqali so‘zlashuv;

•    o‘n ikkita posilka yoki yo‘qlov;

•    o‘n ikkita banderol olish huquqiga ega”;

119-moddaning (Qattiq tartibli koloniyalarda jazoni o‘tash shartlari) uchinchi qismi quyidagi tahrirda bayon etildi:

“Mahkumlar yil mobaynida:

•    besh marta qisqa muddatli va besh marta uzoq muddatli uchrashuv;

•    sakkiz marta telefon orqali so‘zlashuv;

•    sakkizta posilka yoki yo‘qlov;

•    sakkizta banderol olish huquqiga ega”;

121-moddaning (Maxsus tartibli koloniyalarda jazoni o‘tash shartlari) uchinchi qismi quyidagi tahrirda bayon etildi:

“Mahkumlar yil mobaynida:

•    to‘rt marta qisqa muddatli va to‘rt marta uzoq muddatli uchrashuv;

•    olti marta telefon orqali so‘zlashuv;

•    oltita posilka yoki yo‘qlov;

•    oltita banderol olish huquqiga ega”;

123-moddaning (Turmalarda jazoni o‘tash shartlari) uchinchi qismi quyidagi tahrirda bayon etildi:

“Qamoqxonalarda mahkumlar har kuni muddati bir soatlik sayr qilish hamda yil mobaynida:

•    to‘rt marta qisqa muddatli va bir marta uzoq muddatli uchrashuv;

•    to‘rt marta telefon orqali so‘zlashuv;

•    to‘rtta posilka yoki yo‘qlov;

•    to‘rtta banderol olish huquqiga ega”;

125-moddaning (Tarbiya koloniyalarida jazoni o‘tash shartlari) uchinchi qismi quyidagi tahrirda bayon etildi:

“Tarbiya koloniyalarida mahkumlar yil mobaynida:

•    yigirma to‘rt marta qisqa muddatli va sakkiz marta uzoq muddatli uchrashuv;

•    yigirma to‘rt marta telefon orqali so‘zlashuv;

•    o‘n ikkita posilka yoki yo‘qlov;

•    o‘n ikkita banderol olish huquqiga ega”;