Ўзбекистонда яшаётган хорижликлар сони маълум бўлди

Аҳоли ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон ҳудудида 1 йилдан ортиқ муддат истиқомат қилаётган 56 860 нафар хорижий фуқаро рўйхатга олинган. Бу ҳақда айни вақтда бўлиб ўтаётган аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.

Қайд этилишича, 56 860 нафар хорижий фуқародан 19 300 нафари Тошкент шаҳрида истиқомат қилмоқда.

Рўйхатга олинган хорижий фуқаролар давлатлар кесимида:

1. Ҳиндистон – 13 312 нафар;
2. Россия Федерацияси – 10 826 нафар;
3. Қозоғистон – 9 425 нафар;
4. Тожикистон – 5 722 нафар;
5. Туркманистон – 5 347 нафар;
6. Қирғизистон – 4 397 нафар;
7. Покистон – 1 433 нафар;
8. Хитой – 1 031 нафар;
9. Туркия – 811 нафар;
10. Корея Республикаси – 691 нафар;
11. Бошқа давлатлар – 3 865 нафар.

Эслатиб ўтамиз, аввалроқ рўйхатга олиш натижаларига кўра, Ўзбекистон аҳолиси сони 39 миллион нафардан ошгани ҳақида хабар берилган эди. Шунингдек, аҳоли сони 1989 йилдаги рўйхатга олиш натижаларига нисбатан 2 баробарга ошгани маълум бўлди.