Ўзбекистонда бир йўла 80 нафарга яқин бемор коронавирусдан соғайди

Жамият 4870
image

Тошкент шаҳри ва Самарқанд вилоятида 79 нафар бемор коронавирусдан буткул соғайди. Бу ҳақда бугун, 13 июнь куни Соғлиқни сақлаш вазирлиги хабар берди.

"Тошкент тиббиёт академиясининг кўп тармоқли клиникасида яна 59 нафар, Эпидемиология, микробиология ва юқумли касалликлар илмий-текшириш институти клиникасида 5 нафар, Самарқанд вилоятида эса 15 нафар, жами 79 нафар коронавирус инфекциясига чалинган бемор соғайди", дейилади хабарда.

Тошкент тиббиёт академиясининг кўп тармоқли клиникасида тузалганларнинг 43 нафари эркак, 16 нафари аёл бўлиб, ёши каттаси 64 ёшда, кичиги эса 2019 йил туғилган. Ҳудудлар кесимида оладиган бўлсак, Тошкент шаҳридан 15 нафар, Наманган вилоятидан 10 нафар, Тошкент вилоятидан 9 нафар, Самарқанд вилоятидан 5 нафар, Бухоро ва Сурхондарё вилоятларидан 4 нафардан, Қорақалпоғистон Республикаси ва Фарғона вилоятидан 3 нафардан, Сирдарё, Қашқадарё вилоятлари ва Тожикистон Республикасидан 2 нафардан.

Эпидемиология, микробиология ва юқумли касалликлар илмий-текшириш институти клиникасида тузалганларнинг барчаси эркак бўлиб, ёши каттаси 37 ёшда, ёши кичиги 16 ёшда. Ҳудудлар кесимида оладиган бўлсак, Тошкент шаҳридан 3 нафар, Фарғона вилоятидан 2 нафар. Эндиликда Тошкент шаҳрида коронавирус инфекциясидан соғайганлар сони 1854 нафарга етди.

Самарқанд вилоятида тузалганлар барчаси ушбу вилоятдан (Самарқанд шаҳри ва Паяриқ туманидан 4 нафардан, Тойлоқ ва Самарқанд туманларидан 2 нафардан, Иштихон, Ургут ва Пастдарғом туманларидан 1 нафардан). Уларнинг 9 нафари эркак, 6 нафари аёл бўлиб, ёши каттаси 58 ёшда, кичиги эса 5 ёшда. Эндиликда вилоятда тузалганлар 351 нафарга етди.

Маълумот учун, ҳозирда мамлакат бўйлаб коронавирус инфекциясидан бутунлай соғайганлар сони 3837 нафарни ташкил этмоқда.

Нуруллоҳ Шарипов
Мақолага баҳо беринг
Баҳолаганлар: 128
Рейтинг: 3
t
×