Ўзбекистонда 6 та бандлик агентлигининг лицензияси тўхтатиб қўйилди

Ўзбекистонда фуқароларни хорижда ишга жойлаш билан шуғулланиб келаётган яна 6 та хусусий бандлик агентлигининг лицензияси вақтинча тўхтатиб қўйилди. Бу ҳақда Бандлик ва меҳнат муносабатлари вазирлиги Матбуот хизмати хабар бермоқда. 

Таъкидланишича, Бандлик ва меҳнат муносабатлари вазирлигининг бугун, 7 декабрдаги тегишли қарорлари билан Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасида БҲМнинг 8500 баравари миқдоридаги маблағларни захира сифатида тўлдирмагани сабабли қуйидаги хусусий бандлик агентликларининг лицензиялари 10 кун муддатга вақтинча тўхтатилган:

1. “Mirai recruitment agency хususiy bandlik agentligi” МЧЖ;

2. “Reiwa xususiy bandlik agentligi” МЧЖ;

3. “Turon world cooperation xususiy bandlik agentligi” МЧЖ;

4. “Priority international xususiy bandlik agentligi” МЧЖ;

5. “Specialist group xususiy bandlik agentligi” МЧЖ;

6. “Jyonan-staff Business xususiy bandlik agentligi” МЧЖ.