Ўзбекистон жамоаси ЖЧдан қанча даромад кўрди?

Тошкент шаҳри мезбонлик қилган бокс бўйича катталар ўртасидаги Жаҳон чемпионати баҳслари якунланди. Умумжамоа ҳисобида Ўзбекистон жамоаси 5 та олтин, 2 та кумуш ва 2 та бронза, жами 9 та медаль билан 1-ўринни эгаллади.

Тошкентдаги ЖЧда IBA томонидан энг катта соврин жамғармаси белгиланганди.

Чемпионат якунларига кўра, олтин медаль соҳиблари 200 минг АҚШ доллари, 2-ўрин эгалари 100 минг АҚШ доллари ва 3-ўринни банд этган спортчилар 50 минг АҚШ доллари билан тақдирланди. Шундай қилиб, Ўзбекистон жамоаси вакиллари ЖЧдан жами 1 миллион 300 минг АҚШ доллари ишлаб олди.

Бу борада Ўзбекистондан кейин энг яхши натижани қўшни Қозоғистон жамоаси қайд этди. ЖЧда 4 та олтин ва 1 та кумуш медалига эга чиққан Қозоғистон вакиллари жами 900 минг АҚШ доллари билан мукофотланди. 2 та олтин, 4 та бронза медалини қўлга киритган россиялик спортчилар 600 минг АҚШ долларни қўлга киритди.