Ўзбекистон янги мураббий қўл остида Швеция билан ўртоқлик учрашуви ўтказади
Спорт
−
13 Август 2021 8222
Ўзбекистон миллий терма жамоаси Швеция билан ўртоқлик учрашуви ўтказади. Бу ҳақда Ўзбекистон футбол ассоциацияси хабар берди.
ОФК календарига мувофиқ, жорий йилнинг 30 августидан 7 сентябрига қадар Осиёда миллий терма жамоалар учун FIFA кунлари бўлиб ўтади.
FIFA кунларидан унумли фойдаланиш мақсадида Ўзбекистон миллий терма жамоаси ҳам ушбу муддат давомида Тошкент ва Стокгольм шаҳарларида ўқув-машғулот йиғини ўтказади.
Шунингдек, йиғин давомида Швеция терма жамоаси билан ўртоқлик учрашувида майдонга тушади. Ўйин 5 сентябрь куни Стокгольмдаги “Friends” стадионида бўлиб ўтади.
Аввалроқ Ўзбекистон терма жамоасига словениялик Срочко Катанец бош мураббий этиб тайинланиши кутилаётгани ҳақида хабар берган эдик.
Маълумот ўрнида, Швеция Евро-2020 мусобақасида нимчорак финалга қадар етиб борган эди.
Live
Барчаси
