Ўзбекистон Уругвайга қарши ўйин олдидан жиддий йўқотишга учради

Sport

−

10 October 2025 visibility12328 timer1 minute

Ўзбекистон миллий терма жамоаси футболчиси Аббосбек Файзуллаев жароҳати туфайли жорий йилнинг 13 октябрь куни Уругвай миллий терма жамоасига қарши бўладиган ўйинда қатнаша олмайди. Бу ҳақда Ўзбекистон футбол ассоциацияси хабар берди.

Қайд этилишича, кеча, 9 октябрь куни Қувайтга қарши ўйинда жароҳат олиб, майдонни тарк этган Аббосбек Файзуллаев чуқурлаштирилган тиббий кўрикдан ўтган. Шундан сўнг, шифокорлар тавсиясига кўра, унинг Уругвайга қарши ўйинни ўтказиб юбориши маълум бўлган.

Маълумот учун, кеча, 9 октябрь куни Ўзбекистон Тошкентдаги “Олимия” стадионида Қувайт билан ўртоқлик ўйини ўтказди. Ушбу учрашувда Элдор Шомуродов ва Ҳожимат Эркинов гол уриб, “оқ бўрилар”нинг 2:0 ҳисобидаги ғалабасини таъминлади. Навбатдаги ўртоқлик ўйини 13 октябрь куни Малайзияда Уругвай миллий терма жамоасига қарши бўлиб ўтади.

Author