O‘zbekiston Osiyo kubogiga mezbonlik qilishi mumkin

O‘zbekiston, Tojikiston va Qirg‘iz Respublikasi 2031 yilgi Osiyo kubogini birgalikda o‘tkazish bo‘yicha Osiyo futbol konfederatsiyasiga nomzodlik taklifini yubordi. Bu haqda O‘zbekiston futbol assotsiatsyasi matbuot xizmati xabar berdi.

Manbaga ko‘ra, Osiyo futbol konfederatsiyasi (OFK) Osiyo qit’asining eng nufuzli futbol turniri hisoblangan Osiy kubogi mezbonligiga nomzodlarni ko‘rib chiqishni boshladi. So‘nggi yillarda amalga oshirilayotgan ishlar, yaratilgan sharoitlar, xalqaro maydondagi nufuzidan kelib chiqqan holda O‘zbekiston, Tojikiston va Qirg‘iz Respublikasi futbol uyushmalari birgalikda Osiyo kubogi mezbonligini yuqori saviyada o‘tkazishga ishonch bildirgan holda, o‘z qo‘shma nomzodini ilagri surdi. 

Ayni damga kelib, Toshkent, Namangan, Farg‘ona, Qarshi kabi shaharlarda stadionlar xalqaro standartlarga mos ravishda tartibga keltirilgan. Shu vaqtga qadar O‘zbekiston Osiyoning U-20, U-23 turnirlarini va Futzal bo‘yicha Jahon chempionatiga mezbonlik qilgan.