Ўзбекистон-Испания учрашувида нурсиз дуранг қайд этилди

Бугун, 13 октябрь куни футбол бўйича Ўзбекистон Олимпия терма жамоаси Испания U-23 жамоасига қарши ўртоқлик учрашувида майдонга тушди. Тошкент шаҳридаги “Бунёдкор” стадионида ташкил этилган мазкур баҳсда 0:0 кўринишидаги ҳисоб қайд этилди. 

Темур Кападзе шогирдларида бир неча бор рақиб дарвозасини ишғол қилиш имкони пайдо бўлишига қарамай барча ҳужумлар бесамар якунланди. Шу ўринда рақиб жамоа ҳам Ўзбекистон дарвозасига тўп кирита олмади. 

Ўзбекистон U-23 жамоаси аъзолари бироз қўпол ўйин кўрсатди ва учрашув бош ҳаками томонидан 37-дақиқада Ҳусайн Норчаев, 55-дақиқада эса Маҳмуд Маҳамаджоновлар огоҳлантирилган бўлса, Шоҳжаҳон Султонмуродов баҳснинг 76-дақиқасида шундай хатога йўл қўйди. 

Шу тариқа Тошкентда ўтган ўртоқлик ўйини нурсиз дуранг билан якунланди.

Ўзбекистон U-23 – Испания У-21 0:0

Ўзбекистон U-23: 21. Ҳамидулло Абдунабиев, 2. Саидазамат Мирсаидов (13. Элдор Бегимов,10), 5. Муҳаммадқодир Ҳамралиев, 8. Иброҳим Ибрагимов, 10. Жасур Жалолиддинов, 11. Отабек Жўрақўзиев, 14. Иброҳимҳалил Йўлдошев, 16. Асадбек Раҳимжонов, 17. Абдурауф Бўриев, 19. Ҳусайн Норчаев, 22. Алишер Одилов.

Испания U-23: 1. Аленхандро Итурбе, 3. Рафа Марин, 4. Арнау Мартинес, 7. Илиас Ахомах, 8. Бенат Турриэнтес, 10. Габри Вейга, 11. Карлос Мартин, 15. Альваро Каррерас, 18. Пабло Торре, 20. Диего Лопез, 22. Ҳуго Новоа