Усикнинг навбатдаги жанги аниқ бўлди. Фюри билан тўқнашув узоқ кутиладиган кўринади?

Спорт

image

Бокс бўйича супероғир вазн тоифасида учта йўналиш чемпиони украиналик Александр Усик навбатдаги жангини британиялик Даниель Дюбуага қарши ўтказади. Бу ҳақда боксчининг промоутери Александр Красюк маълум қилди.

Қайд этилишича, Усикнинг жамоаси британиялик Даниель Дюбуага қарши жангни ташкил этиш ҳуқуқини берувчи промоутерлик савдосида ғолиб чиққан.

“Биз промоутерлик савдоларида ғалаба қозондик. Ҳозир жангни 12 август куни Вроцлав (Польша)да ташкил этиш бўйича иш олиб боряпмиз”, дейди Красюк.

Маълумот учун, Дюбуанинг промоутери Тайсон Фьюри билан ҳам ишлайдиган Френк Уоррен ҳисобланади. Дюбуа профбоксда умумий 20 та жанг ўтказиб, 19 та баҳсда ғалаба қозонган. 1 та жангда эса мағлуб бўлган. Усик 20 та жангда қатнашиб, барчасида ғалабага эришган.


Мақола муаллифи

Теглар

Бокс Усик Фюри

Баҳолаганлар

0

Рейтинг

3

Мақолага баҳо беринг

Дўстларингиз билан улашинг