Украинадаги уруш болаларнинг очликдан ўлиши ортишига олиб келмоқда – UNICEF

UNICEF халқаро ташкилотининг кеча, 17 май куни эълон қилинган ҳисоботида Украинадаги уруш давом этаётган коронавирус пандемияси билан бир қаторда олти ой ичида болалар учун тиббий овқатланиш нархларининг 16 фоизга ошиши ва натижада болалар ўлимининг ортишига олиб келгани ҳақида огоҳлантирди. Бу ҳақда DW хабар берди.

Махсус терапевтик озиқлантириш (RUTF) ташкилот томонидан ўткир тўйиб овқатланмайдиган болаларни даволаш учун қўлланилади. Ташкилот бундай даволанишнинг умумий нархини ҳар бир бола учун 100 доллар деб ҳисоблайди. UNICEF ҳисоботида айтилишича, Россиянинг Украинага бостириб кириши хомашё, қадоқлаш, ташиш ва бунинг натижасида умуман даволаниш нархининг ошишига олиб келди.

Пандемия, уруш ва иқлим ўзгариши таъсири туфайли дунёдаги 600 000 га яқин бола ерёнғоқ, сариёғ, шакар ва қўшимча озиқ моддалардан тайёрланган юқори калорияли таомдан маҳрум бўлиши мумкин.

UNICEF ижрочи директори Кетрин Рассел вазиятни қуйидагича таърифлади: 

“Жаҳон озиқ-овқат бозорлари шароитида нархнинг 16 фоизга ошиши мақбул бўлиб туюлиши мумкин, аммо бу етказиб бериш занжирининг охирида тўйиб овқатланмайдиган бола турибди, улар учун тарифлар мутлақо номақбулдир”.

Шунингдек, ҳисоботда ташкилотга 300 миллион доллар миқдорида қўшимча маблағ кераклиги ҳам белгиланди.

Камронбей Кенжаев