Украина урушда заҳарли моддалардан фойдаланаётгани айтилди

Украина урушда заҳарли кимёвий моддалардан фойдаланмоқда. Бу ҳақда Россия Федерацияси Саноат ва савдо вазири ўринбосари Кирилл Лисогорский маълум қилди.

Қайд этилишича, Россия Федерацияси Мудофаа вазирлиги Россия махсус хизматлари билан биргаликда Шимолий ҳарбий округ ҳудудида украиналик жангарилар томонидан ҳарбийларга қарши кимёвий моддалар қўллангани билан боғлиқ ҳодисалар аниқланган ва бу борада батафсил ҳисоботлар тақдим этилган. 

Шунингдек, сентябр ойида ва ноябрь ойларида Запорожье вилоятида Украина махсус хизматлари томонидан заҳарли моддаларни террорчилик мақсадида қўллагани факти ҳам ҳужжатлаштирилган.

“Биз далиллар базасини шакллантирмоқдамиз ва, албатта, Кимёвий қуролларни тақиқлаш ташкилоти (КҚТТ) техник котибиятига ва бошқа ташкилотларга тақдим этамиз", дейди Кирилл Лисогорский Мелитополда кимёвий қуроллар омбори ҳақидаги маълумотга изоҳ бериб.

Вазир ўринбосарининг таъкидлашича, Россия Федерацияси КҚТТ техник котибиятини Украина қуролли кучлари томонидан ишлаб чиқилган турли заҳарли моддалар ёрдамида кимёвий провокацияларни амалга ошириш, шунингдек, Украина қўшинларини жойлаштириш ва ҳарбий амалиётлар учун улардан фойдаланиш режалари ҳақида доимий равишда хабардор қилади. 

Бундай бепарво хатти-ҳаракатлар, табиийки, оғир оқибатларга олиб келади. Россиянинг халқаро ҳамжамиятни хабардор қилиши ва бу маълумотларнинг эълон қилиши туфайли бир қатор фожиаларнинг олди олинади, дейилади хабарда.

Сарвар Хуррамов