UFC собиқ чемпионнинг жангини бекор қилди
Спорт
−
28 Январь 2022 2456
Польшалик аралаш яккакураш устаси Ян Блахович ўзининг Twitter саҳифасида жорий йилнинг UFC’да 27 март куни ўтказилиши кутилаётган австриялик Александр Ракичга қарши жангдан нима учун воз кечганини очиқлади.
“Афсуски, мен 27 март куни жанг қилмайман. Бўйин ва орқа мия соҳасида жароҳатим бор. Шу сабабдан вақтинча оғир вазнлилар билан жанг қила олмайман. Александр, умид қиламанки, биз шу йилнинг биринчи ярмида яна октагонда учрашамиз”, дея ёзган Блахович.
Эслатиб ўтамиз, Блахович ва Ракич 27 март куни ўзаро жанг қилиши керак эди. Уларнинг дуэли оқшомнинг марказий беллашуви бўлиши керак эди.
Маълумот учун, собиқ чемпион Ян Блахович сўнгги марта UFC 267 турнирида бразилиялик “бўғма илон” Гловер Тейшейрага қарши октагонга чиққиб, иккинчи раунддаёқ бўғиш усули билан мағлуб бўлган ва ўзига тегишли чемпионлик камарини бой берган
