UFC президенти Махачевнинг исмини унутиб қўйди
Спорт
−
06 Февраль 2023 7196
UFC президенти Дана Уайт 5 февраль куни АҚШнинг Лас-Вегас шаҳрида бўлиб ўтган UFC Fight Night 218 турниридан кейинги матбуот анжуманида журналистлар билан гаплашар экан, кутилмаганда ташкилотнинг енгил вазн тоифасидаги чемпиони исмини унутиб қўйди. Гап россиялик Ислом Махачев ҳақида кетмоқда. Бу ҳақда “Championat.com”сайти хабар берди.
“Агар Волкановски ғалаба қозона олса, бу унинг учун катта воқеа бўлади. Майли, агар... ғалаба қозонса (кулади). Хўш, ҳа ... (Махачевни эслолмасдан) Агар у ўз навбатида Волкановскини мағлуб эта олса, бу унинг буюк меросини қуришда муҳим қадам бўлади”, дейди Уайт.
Ислом Махачев ва Алекс Волкановски ўртасидаги баҳс 12 февраль куни Австралиянинг Перт шаҳрида бўлиб ўтади.
Эслатиб ўтамиз, 25 январь куни Волкановски тезликда Исломдан кучли эканлигини айтганди.
Live
Барчаси
