Учинчи жаҳон уруши бўлмайди – Трамп

АҚШ Президенти Дональд Трамп Россиянинг Украинага қарши урушини глобал можарога айланиб кетишига йўл қўймаслигини айтди. Бу ҳақда у кеча, 16 октябрь куни Вашингтондаги матбуот анжуманида сўз очди.

Унга кўра, бу уруш “учинчи жаҳон урушига” олиб келиши мумкин эди, лекин бу содир бўлмайди. Трампнинг фикрича, Украинадаги тўлиқ урушнинг бошланиши собиқ президент Жо Байденнинг хато сиёсати туфайли юз берган. 

“Унинг даврида Украина масаласида Путиннинг диққат марказида бўлган, аммо унинг амалиёти иш бермади. Ўшанда мен президент бўлганимда ҳозир ҳаммаси бошқача бўлар эди”, деган Оқ уй раҳбари. 

Унинг қўшимча қилишича, ҳозир у Украинадаги урушни тўхтатишга ҳаракат қилмоқда, унинг мақсади кўплаб инсонларни қутқаришдан иборат.

Шунингдек, Трамп бугун, 17 октябрда Оқ уйда Украина Президенти Владимир Зеленский билан учрашишини маълум қилган. Учрашувда АҚШ томонидан Украинага узоқ масофали Tomahawk ракеталарини етказиб бериш имконияти ҳам муҳокама қилинади. Трамп, шунингдек, Россия Президенти Владимир Путин билан Будапештда учрашув ўтказиши ва бу учрашув орқали катта ютуқка эришилишини билдирган.

Трампнинг айтишича, Путин ва Зеленский ўртасидаги муносабатлар “жуда ёмон”, бу эса улар билан учрашувни ташкил қилишга тўсиқ бўлмоқда. 

Эслатиб ўтамиз, кеча, 16 октябрь куни Украина Президенти Владимир Зеленский бошчилигидаги делегация АҚШга музокаралар учун етиб борганди. Самолётдан тушиши биланоқ, Зеленскийни ёмон хабарлар қуршаб олган. Дональд Трампнинг Владимир Путин билан Венгрияда учрашиш нияти ҳақидаги янгилик Киевни ҳайратга солган.