Туркия АҚШни Суриядаги тўқнашувдан огоҳлантирди

Туркия ҳукумати Сурия шимолидаги курд ҳудудларида муниципал сайловлар ўтказилса, АҚШ билан тўқнашув хавфи борлигидан огоҳлантирди. Бу ҳақда TGRT телеканали хавфсизлик тузилмаларидаги манбаларга таяниб хабар берди. 

“Қўшма Штатлар, Эрон ва Россия PKK террористик ташкилоти (Туркияда тақиқланган Курдистон Ишчилар партияси) Сурия шимолида уюштирмоқчи бўлган сайловларни бутунлай йўқ қилиш мақсадида дипломатик алоқаларни давом эттирмоқда”, дейилади телеканал хабарида. 

Хавфсизлик тузилмаларидаги манбалар, Туркиянинг АҚШга яна бир бор овоз беришни кейинга қолдирмаслик, балки бекор қилиш зарурлигига ишора қилганини, акс ҳолда Туркия ва АҚШ тўқнашиб, қарама-қаршилик ҳолатига тушиб қолишини билдирди. Айтилишича, бундай огоҳлантириш Анқара томонидан Вашингтонга қилинган. Телеканал таъкидлаганидек, Америка томони ҳали бу сайловларни қўллаб-қувватлашини эълон қилмаган.

Телеканал, шунингдек, овоз беришни бекор қилиш бўйича Сурия билан алоқалар боши берк кўчага кирганини маълум қилди. Бу масала ўтган йили разведка вакилларининг тўрт томонлама йиғилишида муҳокама қилиниши режалаштирилган эди, аммо бу содир бўлмаган. Хавфсизлик манбаларининг қайд этишича, АҚШ қўшинларининг Суриядан олиб чиқилиши муаммони ҳал қилишга ёрдам бериши мумкин, бироқ Россия ва Эрон минтақада қолаётган бир пайтда бу ҳақиқатга тўғри келмайдиган кўринади. Анқара Вашингтонни Сурия ва Ироқдаги курд ташкилотларини қўллаб-қувватлаётгани учун танқид қилиб, бу иттифоқ руҳига зид эканини айтади. 

Сурия шимолидаги Курд мухториятига сайловлар 11 июнга белгиланган эди, бироқ 8 августга кўчирилди. Туркия чегара ҳудудида ҳарбий операция ўтказилиши эҳтимолидан огоҳлантириб, сайловнинг ўтказилишига рухсат бермаслигини бир неча бор билдирган. Анқаранинг хавотирлари PKK ва унинг Суриядаги бўлинмаси “Халқ мудофаа кучлари” ҳудудда ўзларини овоз бериш йўли билан қонунийлаштираётгани, бу республиканинг миллий хавфсизлик стратегиясига зиддир. Туркия Президенти Ражаб Тойиб Эрдўған Сурия шимолида чегаранинг 600 километрлик қисми устидан назоратни таъминлаш ва қўшни давлатдан келаётган террорчилик таҳдидларини минималлаштириш учун 30 километр кенгликдаги хавфсизлик зонасини яратишни якунлаш режалари ҳақида аввалроқ маълум қилган эди. 

Сурия аҳолисининг 15 фоизини ташкил этувчи курдлар 2013 йилда автоном маъмурият тузилганини эълон қилган эди. Уч йилдан сўнг Африн, Кобани ва Қамишли марказлари билан Шимолий федерал ҳудуд деб аталадиган ҳудуд ташкил этилди. 2018 йилда Туркия Афринни террорчилардан тозалаш мақсадида операциялар бошлади, 2019 йилда эса “Тинчлик манбаи” ҳарбий амалиёти чоғида чегара бўйлаб 30 километрлик хавфсизлик зонасини яратишга киришди.