Туринда “Ювентус” афсонасига бағишланган кўргазма бўлиб ўтади

Туринда “Ювентус”нинг собиқ ҳужумчиси ва клуб афсонаси Алессандро Дель Пьерога бағишланган махсус кўргазма очилиши режалаштирилган. Кўргазма 2026 йил 1 январдан 12 январгача “Бьянконери” музейида бўлиб ўтади. Бу ҳақда клуб матбуот хизмати хабар берди.

Манбага кўра. бу лойиҳа “Афсона санъати: Алессандро Дель Пьеро ижодкорлик нигоҳида” деб номланади ва бу кўргазма клуб ҳамда унинг техник ҳомийси adidas ҳамкорлигида ташкил этилади.

Кўргазма доирасида ўнта ифодали расм, ҳайкалтарошлик бюсти ҳамда adidas билан ҳамкорликда яратилган махсус ўйинолди формаси намойиш этилади. Ушбу форма эркаклар асосий жамоаси томонидан яқинда “Рома”га қарши учрашув олдидан илк бор тақдим этилди ва мавсум давомида кийиб борилади. 

Намойиш этилаётган ҳар бир асар Алессандро Дель Пьеронинг “Ювентус”даги фаолиятидаги муҳим лаҳзаларни қайта жонлантиради ҳамда унинг спорт йўлидаги босқичларини Уйғониш даври эстетикаси орқали янгича талқинда акс эттиради.

Кўргазмадаги алоҳида ишлардан бири 2006 йил 10 январда содир бўлган воқеага бағишланган. Орадан роппа-роса 20 йил ўтиб йодга олинаётган ушбу баҳсда Дел Перо Италия Кубогида “Фиорентина”га қарши ўйинида хет-трик қайд этиб, турнир тарихидаги энг яхши тўпурарлар рўйхатида Жампьеро Бониперти билан тенглашган ва кейинчалик уни ортда қолдирган эди. Таъкидлаш жоиз, “Ювентус” музейига ташриф буюрган барча мухлислар ушбу кўргазмани томоша қилиш имкониятига эга бўлади.

Маълумот учун, Алессандро Дель Пьеро 1993-2012 йиллар давомида “Ювентус” сафида тўп сурган. У барча мусобақаларда 705 та ўйинда майдонга тушиб, 290 та голга муаллифлик қилган. бу натижа билан у “Ювентус” тарихидаги энг яхши тўпурар ҳисобланади.