Турар жойларни ижарага бериш тартиби тўғрисидаги низом тасдиқланди

Жамият

−

27 Февраль 2019 visibility9632 timer1 дақиқа

Ўзбекистон Республикаси Вазирлар Маҳкамасининг 26 февраль куни қабул қилган 170-сонли қарорига мувофиқ “Давлат уй-жой фондидаги турар жойларни ижарага бериш тартиби тўғрисида”ги низом тасдиқланди. Бу ҳақда Адлия вазирлигининг “Ҳуқуқий ахборот” каналида хабар берилди.

Низомга мувофиқ, турар жойни ижарага олиш шартномаси беш йилдан ортиқ бўлмаган муддатга тузилади.

Турар жойни ажратиш ҳақидаги қарор ва ажратилаётган жойга кўчиб киришга асос бўлган ордер асосида ўн кунда ижара шартномаси тузилади.

Давлат уй-жойидан фойдаланганлик учун ижара ҳақи турар жой майдонидан келиб чиқиб турар жойнинг 1 кв метри учун Тошкент шаҳрида бир йилга энг кам ойлик иш ҳақининг 2 фоизи, бошқа вилоятларда 1 фоизи миқдорида белгиланади.

Ижара ҳақини тўлаш муддати шартномада кўрсатилмаган бўлса, у ҳар ойда тўланади.

Мақола муаллифи