Toshkentdagi “Uch qahramon” bozorida yong‘in bo‘ldi (video)
3-sahifa
−
11 avgust 13359 1 daqiqa
Bugun, 11 avgust kuni Toshkent viloyatining Toshkent tumanida joylashgan “Uch qahramon” bozorida yong‘in sodir bo‘ldi. Bu haqda Favqulodda vaziyatlar vazirligi xabar berdi.
Bildirilishicha, soat 02:22 da yong‘in haqida viloyat FVBga xabar kelib tushgan.
Favqulodda xabar ortidan yong‘in-qutqaruv ekipajlari soat 02:29 da voqea joyiga yetib borib, yong‘inni o‘chirish ishlariga kirishgan. Yong‘inni bartaraf etishga jami 10 ta yong‘in-qutqaruv ekipaji jalb etildi.
So‘nggi ma’lumotlarga ko‘ra, hodisa oqibatida tan jarohati olganlar haqida xabar kelib tushmagan. Yong‘in soat 03:24 da qurshab olinib, 04:46 da to‘liq o‘chirildi.
Yong‘inning kelib chiqish sabablari va keltirilgan moddiy zarar miqdori bo‘yicha tergov-surishtiruv ishlari olib borilmoqda.
Live
Barchasi
