Тошкентдаги меҳмонхонада 17 ёшли қизга шилқимлик қилган эркак қамалди

Тошкент шаҳрининг Олмазор туманида 17 ёшли қизни меҳмонхонага олиб бориб, шаҳвоний ҳаракатлар содир этган ва қизга енгил жароҳат етказган эркак қамалди. QALAMPIR.UZ суд қарори билан танишди.

north_east

Тошкентда ўғил болага жинсий тегажоғлик қилган эркак ушланди

Суд ҳужжатига кўра, ҳолат ўтган йилнинг 28 сентябрь куни содир бўлган. 1998 йилда туғилган А.Ғ. исмли эркак 2007 йилда туғилган вояга етмаган қизни Олмазор туманидаги меҳмонхонага олиб бориб, шаҳвоний ҳаракатлар содир этган. Қиз унинг таниши бўлган. Тайинланган суд тиббий экспертизасининг хулосасига кўра, қизга енгил жароҳат етказилган.

Жорий йилнинг 13 февраль куни Жиноят ишлари бўйича Олмазор тумани судида ҳолат юзасидан бўлиб ўтган судда эркак бўлиб ўтган воқеани тасдиқлаган. Бироқ қизнинг вояга етмаганини билмагани, қолаверса, қиз меҳмонхонага ўз хоҳиши билан борганини айтган. У, шунингдек, ёмон нияти бўлмагани, қилган ишидан пушаймонлиги, оилавий ва моддий шароитини инобатга олиб, енгиллик беришни сўраган.

Суд қарори билан А.Ғ. Маъмурий жавобгарлик тўғрисидаги кодекснинг 41¹-моддаси 1-қисми (шаҳвоний шилқимлик) ва 52-моддаси 2-қисми (қасддан енгил тан жароҳати етказиш)да айбдор деб топилди ва унга 5 сутка маъмурий қамоқ ҳамда БҲМнинг 2 баравари, яъни 750 минг сўм жарима тайинланди.

Эслатиб ўтамиз, аввалроқ Тошкент шаҳрида мактабдан қайтаётган ўқувчи қизнинг юзидан силаб, бошидан ўпиб, шаҳвоний шилқимлик содир этган эркак қамалганди.  Шунингдек, Тошкент вилоятининг Оҳангарон шаҳрида 14 ёшли болага шилқимлик қилган 28 ёшли эркак ҳам 5 суткага қамалганди.