Тошкентда мудҳиш ЙТҲ содир бўлди. Қурбон бор
3-саҳифа
−
11 Май 2023 11922
Тошкент шаҳри Янгиҳаёт туманида юз берган йўл-транспорт ҳодисаси оқибатида 1 нафар шахс ҳалок бўлди. Бу ҳақда пойтахт Ички ишлар бош бошқармаси маълум қилди.
Бугун, 11 май куни соат 07:30 ларда Янгиҳаёт туманида 2000 йилда туғилган фуқаро А.А. Nexia 2 автомашинасини бошқариб кетаётиб, руль бошқарувини йўқотган. Машина бетон сим ёғочга урилиши оқибатида йўл-транспорт ҳодисаси содир бўлган.
Nexia 2 ҳайдовчиси олган тан жароҳатлари оқибатида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
