Тошкентда юк машинаси билан тўқнашган автобус ағдарилиб кетди
Жамият
−
29 Июль 2020 7614
Кеча, 28 июль куни Тошкентнинг Олмазор туманида автобус ва юк машинаси иштирокида йўл-транспорт ҳодисаси содир бўлди. Бу ҳақда пойтахт ИИББ матбуот хизмати хабар берди.
Соат 11:00 ларда Тошкент халқа автомобиль йўлида 18-автопаркка тегишли Isuzu автобуси ҳайдовчиси 30 ёшли Раҳимжон Ш. йўл ҳаракатининг бошқа иштирокчилари учун кутилмаган ҳаракат содир этган.
Яқин-атрофда ҳаракатланиб борган “Зил-131” русумли юк автомобили ҳайдовчиси 28 ёшли Муроджон Б. фавқулодда тўхташ учун барча чораларни кўришига қарамасдан, автобуснинг ён томонига тўқнашиши натижасида автобус ағдарилиб кетган.
ЙТҲ сабабли ҳеч ким жабрланмаган.
