Тошкентда қиличбозлик бўйича Осиё чемпионати старт олди
Спорт
−
02 Март 2023 3940
Бугун, 2 март куни Тошкент шаҳрида қиличбозлик бўйича ўсмирлар ва ёшлар ўртасидаги Осиё чемпионати баҳслари бошланди. Мусобақага ЖАР спорт мажмуаси мезбонлик қилмоқда.
Осиё чемпионатида қитъанинг 20 дан ортиқ мамлакат вакиллари иштирок этяпти.
Регламентга кўра, бугун ўсмирлар тоифасида яккалик беллашувлари ўтказилади. Унда йигитлар сабля ва шпага, қизлар рапира қуролида ғолиблик учун жанг қилади.
4 мартдан бошлаб жамоавий беллашувлар ҳам бошланади. Турнир 9 мартга қадар давом этади.
