Тошкент вилоятида ҳоким ёрдамчиси пора билан қўлга тушди

3-саҳифа

−

04 Декабрь 2024 visibility15418 timer1 дақиқа

Тошкент вилоятида ҳоким ёрдамчиси фуқарога кредит ажратишда кўмаклашиш эвазига пора олди. Бу ҳақда ЎзА хабар берди.

Маълум қилинишича, Тошкент вилояти Бўка туманидаги маҳалла фуқаролар йиғинида ҳоким ёрдамчиси сифатида ишлаган шахс “Маҳалла еттилиги” тавсияси асосида камбағалликдан чиқариш дастурига киритилган фуқарога уй-жой шароитини яхшилаш учун мансабдор танишлари орқали 120 млн сўм имтиёзли кредит ажратиб бермоқчи бўлган. Мансабдор фуқародан ушбу иш эвазига 5 млн 200 минг сўм олган вақтида ашёвий далиллар билан ушланган.

Қайд этилишича, ҳоким ёрдамчиси аввал ҳам судланган ва бу ишидан хулоса чиқармаган.

Эслатиб ўтамиз, аввалроқ Навоий вилоятида 200 млн сўмни талон-торож қилган ҳоким ёрдамчисига жиноят иши қўзғатилганди.

Мақола муаллифи