“Толибон” биринчи афғон спорт автомобилини намойиш қилди

Технология

image

Афғонистондаги “Толибон” ҳаракати ўзининг биринчи спорт автомобилини намойиш қилди. Бу ҳақда “Тhe telegraph” нашри хабар берди.

Mada-9 деб номланган автомобиль ЭНТОП компанияси томонидан ишлаб чиқилган. Автомобилнинг техник хусусиятлари ҳали ошкор этилмаган, бироқ машина кузов қисми учун Bugatti’дан, двигатели эса Toyota Corolla машиналаридан намуна олинган.

ЭНТОП компанияси раҳбари Муҳаммад Ризо Аҳмадий Mada-9 автомобили Афғонистоннинг жаҳон миқёсидаги обрўсини яхшилашга ёрдам беришига ишонч билдирди. Унинг сўзларига кўра, машинани ясаш беш йил давом этган бўлиб, ўндан ортиқ ишчи жалб қилинган.

Шунингдек, компания автомобилни бу йилги Қатарда бўлиб ўтадиган Доҳа кўргазмасига қўйишни ҳамда унга электр двигатель ўрнатишни режалаштирмоқда.

Нурмуҳаммад Файзуллаев


Мақола муаллифи

avatar

.

Теглар

Афғонистон Толибон Bugatti Toyota

Баҳолаганлар

0

Рейтинг

3

Мақолага баҳо беринг

Дўстларингиз билан улашинг